Ироқ Ташқи ишлар вазири Нажи Сабри, Ироқни қуролсизлантириш бўйича қатъий резолюция қабул қилиниши йўлидаги АҚШ ва Британиянинг уринишларини қоралади.

БМТ Хавфсизлик кенгашининг доимий беш аъзоси Ироққа тегишли янги резолюция матни юзасидан бир хил фикрда эмаслар. Франция ва Россия, агар Ироқ президенти Саддам Ҳусайн БМТ резолюцияларини бажармаса, қандай чора кўриш масаласини муҳокама этиш учун Кенгаш йиғилишини қайта чақириш тарафдори. АҚШ таклиф этган резолюция лойиҳаси, агар Ироқ ҳукумати БМТ резолюцияси талабларини бажармаса, бу ёмон оқибатларга олиб келишини назарда тутган.