Ҳибсга олинган қозоғистонлик журналист Сергей Дувановнинг адвокатларидан бири, ўз мижози бир ҳафтадан бери на сув ва на овқат истеъмол қилмагани сабабли унинг ҳаёти хавф остида эканини билдирди.

Дуванов 14 ёшдаги қизнинг номусига тажовуз қилган, деган айб билан 28 октябр куни қўлга олинган. У ўзига қўйилган айбларни рад этган. Муҳолифат бу даъволар уйдирма эканини айтиб, Дувановни қўллаб-қувватламоқда. Дуванов ҳибсга олингани ва ўзига қўйилган айбловларга норозилик тариқасида очлик эълон қилган.