АҚШ президенти Жорж Буш Америка Исломга қарши эмас, халқаро террорчиликка қарши кураш олиб бораётганини қайд этди.

Оқ уйда чиқиш қилган Буш Ислом тинчликпарвар дин эканини, америкаликлар бу динга ҳурмат билан қарашини таъкидлади.
Чоршанба куни "Хьюман райтс уотч" ташкилоти Вашингтонни аксил мусулмон кайфиятларининг пайдо бўлишига йўл қўймасликка чақирган эди. Ташкилот чиқарган ҳисоботда сўнгги пайтларда Америка Қўшма Штатларида мусулмонларга ва келиб чиқиши Жанубий Осиёлик бўлган шахсларга нисбатан жиноий ҳаракатлар кучайиб бораётганидан ташвишланиш билдирилади.