Чеченистон сепаратчи президенти Аслан Масҳадовнинг ёрдамчиси Аҳмад Закаев масаласида Москва билан дипломатик тортишув юз берганига бир ой бўлмасдан, Дания Чеченистон бўйича яна бир анжуманга мезбонлик қилади.

Чеченларни қўллаб-қувватлаш гуруҳи ва Закаев қўмитаси билан ҳамкорликда анжуман уюштираётган Даниядаги Социал халқ партияси ташкилотчилари “Франс пресс” ахборот агентлигига, жума куни ўтиши режалаштирилган анжуманда россиялик депутатлар, инсон ҳуқуқлари фаоллари ва ҳарбий хизматни Чеченистонда ўтаган собиқ рус аскарлари иштирок этишини билдирди.