Бокс бўйича оғир вазндаги афсонавий жаҳон чемпиони Муҳаммад Али афғонистонлик ёшларни ўз мамлакатининг ёрқин келажаги учун ишлашга чақирди.

Душанба куни кечқурун Кобулда афғон ёшларига йўллаган баёнотида Муҳаммад Али афғонистонлик ёшлар кучли бўлишлари ва ёрқин келажакка ишонишлари кераклигини билдирган.
Бугун Али Афғонистонга уч кунлик яхши ният сафарини якунлайди. Муҳаммад Али Афғонистондаги қашшоқлик муаммосига халқаро ҳамжамият диққатини тортиш мақсадида, БМТнинг тинчлик элсичи сифатида Афғонистонга борган.