Ўз ҳукуматининг ташқи сиёсати ҳақида бугун биринчи маротаба гапирган Туркия Бош вазири Абдулла Гул Туркия Европа Иттифоқига аъзо бўлишга умид қилаётгани ва ғарб йўлидан боришини яна бир бор такрорлади.

Бугун Истанбул шаҳрида НАТОнинг парламент ассамблеясида сўзлаган Абдулла Гул ўз ҳукумати АҚШ билан стратегик ҳамкорлик алоқаларини давом эттиришини маълум қилди. Гул Европа Иттифоқининг тезкор ҳарбий кучлари ташкил этилишини қўллаб-қувватлади.