Ироқда бошланажак ҳарбий инспекциялар Бағдодга ҳақиқатан ҳам оммавий қирғин қуроллари йўқ эканлигини исботлаш ҳамда урушдан қутулиб қолиш учун имкон яратади.

Бу атом энергияси бўйича халқаро агентлик раҳбари Муҳаммад Эл Барадейнинг бугун қилган баёнотидир. Барадей Ироқ расмийлари БМТ Хавфсизлик кенгаши резолюцияси талабларига сўзсиз итоат этишлари ҳамда ҳарбий инспекторлар билан ҳамкорлик қилишлари лозимлигини таъкидлади.