Яман Шимолий Корея кемасида бўлган “Скад” русумли ракеталарни учинчи мамлакатга бермасликни ваъда қилди.

Маълумки, бу кема яқинда Арабистон денгизида Американинг ҳарбий денгизчилари томонидан ушланган ва бу ракеталар Яманга қарашли эканлиги аниқланган эди.
АҚШ Давлат департаменти вакили Ричард Баучернинг айтишича, Вашингтон Яманнинг Корея Халқ Демократик Республикаси билан савдосини маъқулламайди, лекин Яман ҳукуматига нисбатан қандайдир санкциялар қўлламоқчи ҳам эмас.