Ташриф давомида Мофаз Пентагон раҳбари Дональд Рамсфельд, АҚШ президентининг миллий хавфсизлик масаласи бўйича ёрдамчиси Кондализа Райс ҳамда БМТ бош котиби Кофи Аннан билан учрашади. Шунингдек, Исроил расмийсининг АҚШ Давлат котиби Колин Пауэл билан сўзлашувларда бўлиши кутилмоқда. Пауэл ўз чиқишларининг бирида фаластинликларни ўзларига янги раҳбар сайлашга даъват этган эди. Фаластин мухторияти етакчиси Яасир Арафат америка расмийсининг бу чақириғини рад этди. Арафатга кўра, бу масалани Фаластин халқи мустақил ҳал этиши керак.
