Афғонистон пойтахтидаги халқаро тинчлик ўрнатувчи кучлар қўмондонига кўра, Кобулда барқарорликка таҳдид этувчи “элементлар” мавжуд, аммо умуман олганда, хавфсизлик шароитлари талабга жавоб беради.

Бугун Туркия генерали Хилми Акин Зўрлунинг таъкидлашича, тинчлик ўрнатувчи кучлар ҳар қандай таҳдидга нисбатан “жиддий” муносабатда бўлади.
Зўрлунинг фикрича, агар Ироққа қарши уруш бошланса, Кобулда ва Афғонистоннинг бошқа худудларида терактлар содир этиш кучайиши мумкин.
Ўтган 6 ой давомида халқаро тинчлик ўрнатувчи кучларга қўмондонлик қилган Туркия, келаси ойда мазкур қўмондонлик вазифасини Германия ва Нидерландияга топширади.