Эрон Ташқи ишлар вазири Камол Харрозийнинг Лондонга бориши ва Британия ташқи ишлар вазири Жэк Строу, сўнг Британия бош вазири Тони Блэр билан учрашиши кутилмоқда.

Икки мамлакат расмийлари Ироқ бўҳронини муҳокама қиладилар. Маълумки, Британия раҳбарияти АҚШнинг Ироққа қарши уруш бошлаш режаларини қўллаб-қувватламоқда.
Хабарларга кўра, Эрон ва Британия расмийларининг, шунингдек, икки томонлама ҳамкорлик масаласини муҳокама этишлари кутилаётир.