Тозалаш ишлари билан шуғулланиб кун кечирувчи янги зеландиялик Марги Бимсли (Margie Beamsley) исмли аëл АҚШ президенти Жорж Бушни Ироққа ҳужум қилмасликка даъват этувчи газета эълони учун 2 минг 700 доллар сарфлади.

Бимсли Янги Зеландия радиосига берган суҳбатда ушбу очиқ мактуб АҚШнинг Янги Зеландиядаги элчиси томонидан ўқилишига ва Вашингтон бу хатдан хабардор қилинишига умид билдирди.
“Жаноб Буш, илтимос уруш бошламанг. Сиз ҳали ҳам ўз позициянгизни ўзгартира оласиз”, деб ëзилади мазкур очиқ мактубда.