Маълумотларга кўра, бугун Туркия Бош вазири Ражаб Тайиб Эрдўғон, Ироққа қарши урушда мамлакат ҳаво кенглигидан фойдаланадиган АҚШ ҳарбий учқичларига ҳатто ёқилғи қуйиш учун ҳаво базаларига қўнишга рухсат берилмаслигини айтган.

Бугун эрталаб Туркия ҳукумати вазири ва матбуот котиби Жамил Чечак, Эрдўғон бошчилигидаги ҳукумат Ироққа қарши урушда АҚШ қўшинларининг Туркия ҳаво кенглигидан фойдаланишга руҳсат бериш масаласи эртага парламент муҳокамасига тақдим этилишини билдирган эди.