Эроннинг олий раҳбари Оятулло Али Хоманайи эронликларнинг янги йили-Наврўз муносабати билан қилган мурожаатида Ироқ урушини зудлик билан тўхтатишга чақирди.

Эрон олий раҳбари шунингдек, 1980 йилларда Эрон билан жанг қилган Ироқнинг диктаторлик режимини қоралади.
Бугун дунëнинг бир қатор мамлакатларида АҚШ бошчилигидаги Ироқ урушига қарши норозилик намойишлари давом этди.
100 мингдан кўпроқ италиялик фермерлар Рим шаҳри марказида юриш қилдилар. Уларнинг бу тўпланишларидан асосий мақсад Италия фермерлари муаммоларига диққатни жалб этиш эди, бироқ, у урушга қарши норозилик намойишига айланиб кетди.