Европа Иттифоқига аъзо бўлган кичик давлатлар хусусан Австрия, Белгия, Финляндия, Ирландия, Люксембург, Голландия ва Португалия расмийлари кеча кечқурун Люксембургда учрашиб, Иттифоқнинг доимий президенти бўлишига қарши эканликларини яна такрорладилар.

Люксембург Бош вазири Жан Клод Жанкер, агар Иттифоққа доимий президент сайланса, Европа комиссияси салоҳиятини анча йўқотишини айтди.
Британия, Франция, Германия ва Испания эса Европа Иттифоқи президенти ҳозиргидек ҳар олти ойда ўзгармасдан доимий бўлишини хоҳламоқда.