“Ўткир респиратор синдроми” ёки “ғайри оддий пневмония”, деб аталаётган ўта хавфли касалликка чалинганликда гумон қилиниб, касалхонага ётқизилган россиялик икки фуқаронинг бу касалликка чалинмагани бугун аниқланди.

Приморье ўлкаси Давлат эпидемиология назорати хизматидан олинган хабарга кўра, Владивостокка Харбиндан келган денгизчининг ўпкаси шамоллаган бўлиб чиқди.

Иккинчи бемор - Пекиндан Новосибирскка учиб келган россиялик олимдир. Унинг ҳам хавфли касалликка чалинмагани аниқланди.