АҚШ Давлат котиби Колин Пауэлл, Қўшма Штатларнинг режаларида Сурия ва Эронга хужум қилиш йўқ, деб баёнот берди.

Араб тилида Лондонда чоп этиладиган "Ал- Ҳаёт" газетасига берган интервьюсида Пауэлл, Сурия терроризмни қўллаб-қувватлаётган, Эрон ядро қуроли яратиш бўйича иш олиб бораётган бўлса ҳам, бу муаммоларни ҳал қилишнинг ноҳарбий йўллари бор, деб таъкидлади.

Жума куни Буюк Британия Бош вазири Тони Блэр ҳам иттифоқчиларнинг Сурия ва Эронга ҳужум қилиши эҳтимолини қатъиян инкор этди.