Ироқ жанубидаги Басра шаҳри яқинида топилган икки юз кишининг жасади саксонинчи йиллардаги Эрон-Ироқ уруши даврида ўлдирилган эронлик аскарларнинг қолдиқларидир.

Бу ҳақда Эроннинг бедарак йўқолганларни қидириш қўмитаси раҳбари генерал Мирфайсал Бакирзода баён қилди. Унинг айтишича, жасад қолдиқлар сўнгги ойлар давомида топилган. Эрон генерали Халқаро қизил хоч ташкилотидан уларнинг мамлакатга қайтарилишига ёрдам сўраб мурожаат этди.