Америка Қўшма Штатлари ўғирланган қадимий маданий ёдгорликларни қидиришга кўмаклашиш учун Федерал Қидирув бюроси ходимларини Ироққа жўнатмоқчи.

Федерал қидирув бюроси директори Роберт Мюллер, у раҳбарлик қилаётган ташкилот Интерпол билан ҳамкорликда Ироқдан олиб чиқиб кетилган қадимий маданий ёдгорликларнинг сотиб юборилиши олдини олиш борасида фаолият олиб бормоқда, деб билдирди.
БМТ экспертлари Боғдоддаги талончиликларда уюшган жиноий гуруҳлар иштироки борлигини қайд этмоқдалар.