Афғонистон Ички ишлар вазири Аҳмад Жалолий яқинда Бодғис вилоятида рақиб фракциялар ўртасида юз берган тўқнашувда инсон ҳуқуқлари бузилганини ўрганиш учун минтақага махсус гуруҳ жўнатишини билдирди.

БМТ маълумотига кўра, вилоятда рақиб фракциялар ўртасида юз берган мазкур тўқнашувда тинч аҳолидан камида 38 киши қурбон бўлган. Улар орасида болалар ҳам бор.
Инсон ҳуқуқлари ҳимояси билан шуғулланувчи гуруҳлар Афғонистон шимолида жангари гуруҳлар инсон ҳуқуқларини бузаётгани, кишиларни таҳқирлаётгани ва ўғирликлар содир этаётгани ҳақида тез-тез маълумот тарқатмоқда.