АҚШ қўшинлари қўмондонлиги Саддам Ҳусайн етакчилик қилган Баас партиясини бошқарган Ғози Ҳаммуд Ироқ шарқида қўлга олинганини эълон қилди.

Айни пайтда, Польша раҳбарияти Германияга Польша назорати остига ўтадиган Ироқ ҳудудларига ўз ҳарбийларини юбориш таклифи билан чиқди. Бироқ Германия ташқи ишлар вазири Йошка Фишер АҚШ томонидан таклиф этилган Ироқда барқарорлик ўрнатиш дастурида Германиянинг иштироки мақсадга мувофиқ бўлишидан шубҳаланишини айтди. Дастур мамлакатда халқаро тинчлик сақлаш кучларининг жойлаштирилишини кўзда тутади.
Германия Ироқ урушининг асосий муҳолифларидан бири бўлган.