Бугун Кобулда тахминан 500 одам тўпланиб, президент Хамид Карзайнинг собиқ Толибларга нисбатан бўлган муносабатига қарши норозолик билдиришди.

Карзайга кўра, собиқ Толибларнинг барчаси душман эмас. Президентнинг қайд этишича, бир пайтлар Толиблар томонида туриб жанг қилишга мажбур бўлган оддий фуқаролар жавобгарликка тортилмаслиги керак.
Кобул расмийларига кўра, Толибон қолдиқлари Афғонистонда барқарорликни бузиш учун ўз кучларини қайта тўпламоқда, ҳукумат ва АҚШ қўшинларига қарши ҳужумлар қилмоқда.