Исроил Бош вазири Ариел Шарон ва Фаластин Бош вазири Маҳмуд Аббос ўртасидаги учрашув кечиктирилди.

Мазкур учрашувда халқаро ҳамжамият қўллаб-қувватлаган янги Яқин шарқ тинчлик дастури муҳокама этилиши кўзда тутилган эди.
Икки томон расмийлари, Бош вазирлар учрашуви сиёсий сабабларга кўра эмас, балки режалаштириш муаммосига кўра кечиктирилганини маълум қилдилар.
Ариел Шарон ва Маҳмуд Аббоснинг келаси ҳафтада АҚШ президенти Жорж Буш билан учрашишлари кутилмоқда.