Бугун Россия парламентининг қуйи палатаси - Давлат Думаси ўз қуролларини топширган чеченларга амнистия эълон қилиш ҳақидаги хужжат лойиҳасини кўпчилик овоз билан мақуллади.

Дума аъзоларининг 352 нафари амнистияни ёқлаб, 25 нафари унга қарши овоз бердилар. Мазкур ҳужжат эртага ҳукуматга қарашли “Российская газета”да эълон қилинганидан сўнг кучга киради. Амнистия Чеченистондаги урушда қатнашган чет эл фуқаролари, шунингдек, аёлларни зўрлаган ва одам ўғирлаш каби оғир жиноятлар содир этган шахсларга тааллуқли эмас.