Европада хавфсизлик ва ҳамкорлик ташкилотининг Парламент ассамблеяси бугун Қозоғистоннинг Алмати шаҳрида ўзининг форумини бошлади.

НАТО ташкилоти, Мустақил давлатлар ҳамдўстлиги, Исломий конференция ташкилоти ва турли давлатлар вакиллари иштирок этадиган икки кунлик анжуманнинг очилиш маросимида Қозоғистон президенти Нурсултон Назарбоев ва Европада хавфсизлик ва ҳамкорлик ташкилоти Бош котиби Ян Кубис сўзга чиқдилар.
Форумда Марказий Осиё хавфсизлиги муҳокама қилиниб, демократик тузилмаларни барпо этиш ҳамда терроризмга қарши кураш масалалари кўриб чиқилади.