Гонконг расмийларининг маълум қилишларича, сурункасига уч кун давомида мамлакатда ҳеч ким “ўткир респиратор синдроми”, деб аталаётган касалликка чалинмади.

Бироқ бир одам оламдан ўтди.
Бу билан Гонконгда номаълум вирус қурбонлари сони 294га етди. Ҳаммаси бўлиб вирусдан 1755 одам зарарланган.
Жаҳон соғлиқни сақлаш ташкилоти мезонларига кўра, сурункасига 20 кун давомида касалликка чалинишнинг янги ҳоллари кузатилмаса, Гонконг “ўткир респиратор синдроми” тарқалган мамлакатлар рўйхатидан чиқарилиши мумкин.
Ҳаммаси бўлиб номаълум вирус жаҳон бўйлаб 800 одам ҳаётига зомин бўлди.