Фаластин-экстремистик гуруҳлари "Хамас" ва "Исломий жиҳод" уч ой муддатга Исроилга ҳужум қилмаслик режасига рози эканликларини билдиришди.

"Фатх"гуруҳи вакиллари бу ҳақда баëнот беришга ҳали эрта эканлигини билдирдилар.
Бундан олдин "Фатх " тинчлик баëнотида Фаластин радикалларининг нуқтаи-назари акс этишини талаб қилганди.Яқин Шарқ минтақасида сафарда бўлган АҚШ президентининг миллий хавфсизлик бўйича ëрдамчиси Кондолиза Райс бугун Исроил бош вазири Ариел Шарон билан учрашди. Кондолиза Райс кеча Фаластин раҳбарлари билан музокоралар олиб борганди.