Бангладешда қутқарувчилар ўтган сешанба куни Мегна дарёсидаги паромнинг чўкиб кетиши туфайли нобуд бўлган йўловчилардан яна 150 нафарининг жасадини топдилар.

Кемада 600 дан зиёд киши бўлган. Имкондан ортиқ йўловчи чиққани учун паром ағдарилиб, чўкиб кетган эди. Кемадагиларнинг 200 нафарга яқинигина омон қолган.
Бундай фожеалар дарё ва денгиз транспортидан фойдаланиш қоидаларига риоя қилинмайдиган Бангладешда тез-тез рўй бериб туради.