Америкалик мутахассислар Ироқда тартиб ўрнатиш ва қонун устуворлигини таъминлаш учун кам вақт қолаётгани ҳақида огоҳлантиришди.

АҚШ Мудофаа вазирлиги томонидан Ироққа юборилган мутахассисларнинг айтишларича, агар келаси уч ой ичида асосий инфраструктуралар, шу жумладан коммунал хизматлари тикланиб, хавфсизлик кафолатланмаса, мамлакатда беқарорлик юзага келиши мумкин.
Мутахассислар шунингдек, агар Ироқдаги вазият тубдан ўзгармаса, америка-британия коалицияси кучларига янада кўпроқ ҳужумлар уюштирилиши мумкин, дея огоҳлантиришмоқда.