Москва ва Вашингтон Америка ҳарбийлари томонидан Афғонистонда ҳибсга олинган саккиз нафар Россия фуқаросининг экстрадацияси хусусида музокаралар олиб бормоқда.

Ҳозирда бу фуқаролар Гуантанамодаги ҳарбий маҳбуслар лагерида сақланмоқда.
Вашингтонда журналистлар билан учрашув ўтказган Россия ташқи ишлар вазирининг биринчи ўринбосари Вячеслав Трубников шу ҳақда маълум қилди.
Унинг айтишича, айни пайтда Россия фуқароларини қайтаришнинг юридик ва техник томонлари муҳокама қилинмоқда.