Покистон Президенти Парвиз Мушаррафнинг билдиришича, унинг мамлакати Афғонистон билан чегарадош минтақаларда "Толибон" ва "Ал-Қайда" қолдиқларини қидириб топиш мақсадида махсус ҳарбий куч ташкил этган.

Покистоннинг "Нюс" газетаси Мушаррафга асосланиб, маълум қилишича, мазкур ҳарбий куч Махсус Хизматлар Гуруҳи ҳамда десантчилардан таркиб топади.
Маълуматларга қараганда, айрим толибон ва ал-қайдачилар икки йил олдин АҚШ бошчилигида Афғонистонда олиб борилган ҳарбий амалиëтлар натижасида қўшни Покистон ҳудудидаги қабилалар минтақаларидан ўзларига паноҳ топган эдилар.