Қозоғистон ва Америка Қўшма Штатлари бир-бирларининг фуқаролари Халқаро Жиноят Судига тортилмаслик ҳақидаги шартномасини имзоладилар.

Ушбу шартномага душанба куни Бирлашган Миллатлар Ташкилотида АҚШ Давлат Котиби Колин Пауэлл ва Қозоғистон Ташқи Ишлар Вазири Қасимжўмарт Тўқаев томонидан қўл қўйилди.
АҚШ расмийсига кўра, Қозоғистон билан имзоланган мазкур шартнома туфайли АҚШ билан шундай битимга қўл қўйган мамлакатлар сони 63 тага етди. Улар орасида Марказий Осиë давлатларидан Ўзбекистон ва Тожикистон ҳам бор.