Бугун Россиянинг Доғистон республикасида камида беш милициячи номаълум қуролли шахслар томонидан ўлдириб кетилгани билдирилди.

Интерфакс ахборот агентлиги хабарига кўра, бу ҳодиса Доғистоннинг Чеченистон чегараси яқинидаги Хасавюрт шаҳрида юз берган.

Айни пайтда, Чеченистон президенти вазифасини бажараëтган Анатолий Поповнинг аҳволи бугун оғирлашгани билдирилди. Попов шанба куни Чеченистоннинг Гудермес шаҳрида бўлиб ўтган маросимда овқатдан заҳарланганидан кейин Москва касалхонасига ëтқизилган эди.