БМТ Бош Ассамблеяси йиғилишида сўзга чиққан Ироқ Бошқарув Кенгаши раиси Аҳмад Чалоби Ироқни Саддам Ҳусайннинг диктаторлик режимидан озод қилгани учун АҚШ ва Буюк Британия ҳукуматларига миннатдорчилик билдирди.

Ироқдаги вазиятга тўхталар экан, Чалоби шундай деди:
“Ироқда ажойиб синов ўтказилаяпти. Биз мамлакатда адолат ҳукм суришига , эркин ва тараққий этган жамият қуришга астойдил ҳаракат қилмоғимиз зарур. Ироқ халқи бунга қодирдир.
Биз ҳаракатларимизнинг жанггарилар ва террорчилар томонидан тўхтатилишига йўл бермаймиз”, - деди Аҳмад Чалоби.