Бугун Президент Асқар Ақаев Қирғизистонга қарз берган давлатларни қарзнинг бир қисмидан воз кечишга чақирди.

Ақаевга кўра, қайтарилмайдиган пул табиатни муҳофаза қилиш ишлари учун сарфланади.
Қирғизистон ҳукуматининг билдиришича, мамлакатдаги радиоактив чиқиндилар кўмилган жойларни тозалаш ва бузилиш хавфи остида қолган тўғонларни таъмирлаш учун 30-40 миллион доллар керак.
Ҳозир Қирғизистоннинг ташқи қарзи 1 миллиард 500 миллион доллардан ортган.