АҚШ расмийлари Ироқда оммавий қирғин қуроллари қидируви билан шуғулланаётган разведка хизмати ходимлар сонини қисқартириш масаласини кўриб чиқмоқдалар.

Мудофаа ва разведка хизмати расмийларига кўра, ушбу масала АҚШ Президенти маъмурияти расмийлари томонидан бир неча ҳафта давомида муҳокама қилинмоқда.
Қарор тарафдорлари оммавий қирғин қуролларини қидираётган ходимларнинг айримлари террор ҳужумларини амалга ошираётганлар қидируви билан шуғулланиши мумкинлигини таъкидламоқда. Сўнгги пайтларда Ироқда ҳужумлар сони кўпаяр экан, бу масала долзарблашмоқда.