Бугун Душанбеда Халқаро Валюта Жамғармаси директори Хорст Койлер ва Тожикистон Президенти Имомали Раҳмонов музокаралар ўтказмоқдалар.

Улар мазкур жамғарма томонидан қўллаб-қувватланган стратегияни, яъни Тожикистонда камбағалликни камайтириш ва иқтисодий ўсишни йўлга қўйиш режасини муҳокама қилмоқдалар.
ИТАР-ТАСС ахборот агентлигининг Халқаро Валюта Жамғармаси вакилига асосланиб билдиришича, Тожикистон ҳукумати инфляцияни жиловлаш ва структуравий ислоҳотларни тезлаштириш учун қўшимча чоралар кўриши лозим.