БМТ Европа Иттифоқини қочқинлар тўғрисидаги ҳужжатга ўзгартиш киритилмагунга қадар, қочқинлар ҳақида умумий қонун қабул қилмасликка чақирди.

БМТ Қочқинлар бўйича Қўмитаси раҳбари Рууд Любберс Европа Иттифоқига раислик қилаëтган Италия Бош Вазири Силвио Берлусконига юборган мактубида мазкур масала юзасидан ҳужжат лойиҳасини халқаро талабларга жавоб берадиган даражада ишлаб чиқишга чақирди.
Пайшанба куни Европа Иттифоқига аъзо мамлакатлар ички ишлар вазирлари Брюсселда Иттифоқнинг қочқинлар ҳақидаги умумий қонунчилигини муҳокама қиладилар.