Туркия Бош Вазири Ражаб Тойиб Эрдўған Британия разведка хизматини Туркияда амалга оширилиши тахмин қилинаëтган террор ҳужумлари борасида батафсил маълумот бермаëтганликда айблади.

Кеча Британия Ташқи Ишлар Вазирлиги Туркиянинг Истамбул ва Анқара шаҳарларида террорчилар янги ҳужумга тайëргарлик кўраëтганлиги ҳақида маълумот тарқатди.
Эрдўған эса, бунга жавобан “Агар турли мамлакатлар халқаро террорга қарши курашиш учун бирлашган бўлса, у ҳолда бундай маълумотлар оммавий ахборот воситаларига эмас, балки қайси мамлакатда теракт уюштирилиши режалаштирилаëтган бўлса, ўша мамлакат раҳбарларига берилиши керак”-, дея баëнот берди.