Япониянинг Фазо Тадқиқотлари Агентлиги матбуот котибасига кўра, парвозни назорат қилувчи мутахассислар бортида разведка мақсадларида ишлатилиши кўзда тутилган иккита сунъий йўлдош бўлган ракетани бугун парвоздан бир оз кейин портлатиб юборганлар.

Япониянинг NHK телеканали маълумотига кўра, ракетада қандайдир муаммо юз берганидан кейин уни портлатиб юбориш ҳақида қарор қабул қилинган. Япония мазкур ер сунъий йўлдошидан, ядровий қуролни қўлга киритгани гумон қилинган Шимолий Кореяни фазодан кузатишда фойдаланишни кўзда тутган эди.