БМТ келаси йили Афғонистонда бўлиб ўтадиган президентлик сайловларида овоз берадиган ўн ярим миллион одамни рўйхатдан ўтказиш бошланганини маълум қилди.

БМТнинг сайловлар бўйича вакиласи Катарина Фабиансон, рўйхатдан ўтказиш жараëни кеча мамлакат жанубидаги Қандахор шаҳрида бошланганини таъкидлади.
18 ëшга тўлган афғон фуқаролари келаси йилнинг июнида бўлиб ўтадиган президентлик сайловларида овоз бериш ҳуқуқига эгадирлар.