Атом Энергияси бўйича Халқаро Агентлик раҳбари Муҳаммад эл Барадей ядровий қуролнинг тарқатилишининг олдини олиш учун қўшимча чоралар кўрилиши кераклини таъкидлади.

Унинг фикрича, ядровий қуролни тарқатмаслик ҳақидаги халқаро ҳужжатлар, ядровий дастур устида иш олиб бораëтган давлатларнинг тегишли технология ва манбаларга эга бўлишига йўл қўймаслиги керак.
Бундан 50 йил муқаддам фақат иккита давлат ядровий қуролга эга бўлган бўлса, ҳозирга келиб бу турдаги қуролга эга давлатлар сони 9 тага етган.