Бугун Сурия Нефт вазири Иброҳим Хаддад АҚШнинг Сурияга қарши санкциялар жорий этувчи янги қонуни нафақат Сурия балки, мамлакатда фаолият олиб бораётган Америка ширкатларига ҳам таъсир этиши мумкинлигини билдирди.

Жума куни АҚШ Президенти Жорж Буш имзолаган қонун Америка ширкатларининг Сурияга махсулот экспорт қилиши ва сармоя ётқизишини чеклайди. Бошқа санкциялар хатто Сурияга тегишли мол-мулкни музлатиб қўйишни кўзда тутган.