Қўшма Штатлар Саудия Арабистони билан биргаликда “Вазир” ва “Хашбург” тижорат фирмаларининг мулкларини музлатиш ҳақида қарор қабул қилди.

Бу фирмаларнинг бири Боснияда, бошқаси эса Лихтенштейнда рўйхатдан ўтган.
АҚШ Молия Департаментига кўра, “Вазир” ва “Хашбург” фирмалари “Ал-Қайда” террор тармоғини молия билан таъминлаганликда шубҳа этилмоқда.
АҚШ ва Саудия Арабистони ҳукуматлари БМТдан бу икки фирмани террорчиларни молия билан таъминлаëтган компаниялар рўйхатига киритишни сўради.