Бугун Украинанинг мухолифатдаги партиялари депутатлари парламент йиғилишида Конституцияга ўзгартишлар киритиш ҳақидаги таклифга овоз берилишига яна йўл қўймадилар.

Мазкур ўзгартишларда мамлакат президентини халқ эмас, балки парламент сайлаши кўзда тутилади.
Сешанба куни мухолифат депутатлари парламентда овоз беришнинг электрон тизимини буздилар. Аммо кеча конституциявий ўзгартишлар ҳақидаги таклиф биринчи марта муҳокамага қўйилди ва президент Леонид Кучмага тарафдор партиялар депутатлари қўл кўтариш орқали уни тасдиқладилар.
Ушбу таклифга яна икки марта овоз берилиши режалаштирилган.