Бугун Покистоннинг Афғонистонга чегарадош бўлган Вазиристон минтақасини террорчилардан халос қилиш борасидаги операция бошлагани билдирилди.

Ушбу тоғли минтақада “Ал-Қайда” гуруҳи раҳбари Усама бин Ладин яширингани тахмин этилмоқда.
Покистон расмийларига кўра, яқинда Вазиристон минтақасида юз берган тўқнашувда “Ал-Қайда”нинг 8 аъзоси отиб ўлдирилган ва 18 шахс қўлга олинган. Тўқнашув оқибатида Покистоннинг икки ҳарбийси ҳам ҳалок бўлган.