Грузия Бош Прокуратураси Швейцария, Лихтенштейн ва Люксембург ҳукуматларига мурожаат қилиб, Грузия собиқ расмийларининг банк ҳисобларини музлатишни сўради.

Яқинда Грузия президенти этиб сайланган Михаил Саакашвили мамлакатда коррупцияга қарши курашиш ўзининг асосий вазифаларидан бири бўлишини қайд этган эди. Унга кўра, ҳокимиятдан четлаштирилган Эдуард Шеварднадзенинг яқинлари ҳам коррупцияга қарши курашувчи маъмурлар томонидан сўроқ қилинади.