Бугун Эрон Парламентининг ислоҳотчи депутатлари Президент Муҳаммад Ҳотамийнинг норозилик акциясини тўхтатиш ҳақидаги чақириғини рад этдилар.

Эроннинг диний уламолар назоратидаги Посбонлар Кенгаши минглаб номзодларни келаси ойда бўладиган Парламент сайловларда қатнашишдан маҳрум этганидан кейин, ислоҳотчи депутатлар тўрт кундан бери Парламент биносида ўз норозиликларини билдирмоқдалар.
Бугун эрталаб Президент Ҳотамий уларга муаммони Посбонлар Кенгаши билан музокаралар ўтказиш орқали ҳал этиш мумкинлигини айтган.