Бугун Қирғизистон Хавфсизлик хизмати бошлиғи Қалиқ Иманқулов депутатларнинг идораларида яширин эшитиш мосламаларини ўрнатиш ҳақида кўрсатма бермаганини билдирди.

Кеча Қирғизистон Парламентининг бир неча мухолифатчи аъзоси ўз идораларидан яширин эшитиш мосламалари топганларини маълум қилди.
Иманқуловга кўра, бу борада мустақил равишда тергов ўтказилиши лозим. Аммо Қирғизистон Парламентининг мухолифатчи аъзолари Иманқуловнинг истеъфосини талаб қилмоқдалар.