Бугун Сурия Президенти Башар ал-Асад АҚШ маъмурияти унинг ҳукуматини жанггари гуруҳларни қўллаб-қувватлаëтгани ва оммавий қирғин қуролларига эга эканликда айблаëтган бўлса-да, Сурия яккалаб қўйилмаганини баëн қилди.

Лондонда чиқадиган “Аш-шарқ ал-Авсат” газетасига интервью берган Асад, Сурия баъзи давлатлар, жумладан Қўшма Штатлар билан келиша олмаëтганига қарамай, кўплаб мамлакатлар билан яхши алоқалар ўрнатганини маълум қилди.
Айни пайтда, Сурия раҳбари Ироқнинг собиқ ҳукумати Сурия банкларига 200 миллион доллар қўйганини билдирди. Аммо Асад Бағдод Дамашққа бўлган қарзини тўламагунигача, Сурия бу пулни қайтармаслигини таъкидлади.